Përurohet Instituti i Hivzit “Emin Pasha” në Prizren

Në mënyrë solemne dhe me tekbire u bë hapja e Institutit të Hivzit “Emin Pasha” në Prizren

Në këtë ngjarje mori pjesë Myftiu i BIK-ut, Naim ef. Tërnava me bashkëpunëtorë, përfaqësues nga Dijaneti i Turqisë, konsulli turk në Prizren, kryetari i KBI-së së Prizrenit Besim Berisha me bashkëpunëtorë , imamë dhe të interesuar të tjerë.

Një fjalë rasti mbajti kryetari i Bashkësisë Islame të Kosovës, Myftiu Naim Tërnava, i cili, pasi uroi për këte godinë kaq të bukur të Institutit të Hivzit, falenderoi popullin turk dhe Dijanetin e Turqisë që kanë ndihmuar për ndërtimin e kësaj godine. Ai po ashtu tha se populli shqiptar përgjatë historisë fjalën e Zotit e ka lexuar, mësuar dhe mbajtur mend (bërë hifz).

“Ne kemi idetitet me të cilin krenohemi. Ne kemi ruajtur fenë me tërë qenien tonë. Tashmë kemi hapur disa institute të hivzit anekënd Kosovës dhe jemi në proces të hapjes edhe të të tjerave. Falenderoj Dijanetin dhe popullin turk për ndihmën që na ofrojnë në vazhdimësi, besimtarët janë vëllëzër kudo ku janë”- tha myftiu Tërnava dukeiI uruar stafit punë të mbarë dhe që nxënësit sa më lehtë ta mësojnë Kuranin.

Fjalë rasti mbajtën edhe përfaqësuesi i Dijanetit turk, Faruk Omer, si dhe kordinatori i Dijanetit në Kosovë Mustafa Tombash, të cilët uruan dhe falenderuan BIK-un dhe Myftiun Tërnava për mbështetje dhe bashkëpunim duke vlerësuar se ky institut do te jetë në shërbim të Kosovës dhe të kuadrove të ardhshme fetare dhe se këta filiza do të jenë kandil ndriçues për Kosovën.
Më pas u dhanë disa mirënjohje, një ndër të cilat për Myftiun Tërnava.

Në fund nxënësit e këtij instituti shfaqën një program duke performuar me këndim të disa ilahive./bislame/

Twitter Digg Delicious Stumbleupon Technorati
Index ->

Komentet

No Comments!

Komento këtë artikull:

* Emri
* E-mail adresa juaj 1
* Your Comment 2

shkronja të mbetura.

 

Shkruaj kodin:

Captcha

 

* Fusha duhet të plotësohet patjetër


1. E-mail adresa juaj nuk do të publikohet, dhe do të jetë e dukshme vetëm për administratorët e faqës.


2. Islam Gjakova.net e posedon të drejtën e redaktimit, modifikimit dhe fshirjes së komenteve që kanë përmbajtje ofenduese, që fyejnë dikë dhe që nuk i përmbahen temës së artikullit. Gjatë komenteve gjithashtu nuk lejohet reklamimi i ndonjë ueb-faqe.