Myftiu i Shkodrës merr titullin “Nderi i Qarkut Shkodër”

Këshilli i Qarkut Shkodër i ka akorduar Myftiut të Shkodrës, z. Muhamed Sytari titullin “Nderi i Qarkut Shkodër”, me motivacionin: “Si veprimtar i shquar për forcimin e mëtejshëm të harmonisë dhe bashkëjetesës ndërfetare në Qarkun Shkodër. Për mbështetjen shpirtërore dhe përkrahjen e njerëzve dhe në veçanti të atyre që përballen me vështirësi.”

Ky titull iu akordua myftiut të Shkodrës në ceremoninë e promovimit të librit më të ri të tij, “300 Hadithe”.

Pas marrjes në dorëzim të këtij titulli të lartë, Myftiu tha se ky vlerësim është përgjegjësi, por mbi të gjitha, ai i përket angazhimit të imamëve, prijësve fetarë të Shkodrës dhe besimtarëve, që dijnë të ruajnë vlerat e besimit dhe në veçanti frymën e harmonisë në mesin e besimeve.

Ai tha se kjo vlerë është një amanet shekullor, që duhet ta ruajmë e ta kultivojmë tek breznitë e ardhshme, si një mirësi e paqes dhe bashkëjetesës në vendin tonë.

Të pranishë në këtë mbrëmje ishin, kryetarja e Bashkisë së Shkodrës, përfaqësues të instuticioneve vendore dhe lokale, përfaqësues të komuniteteve fetare, intelektualë dhe besimtarë.

Myftinia e Shkodrës për të gjithë të pranishmit shtroi edhe iftarin e rastit.


Na ndiqni

Lexoni lajmet më të fundit nga rrjetet tona sociale!

Video

APEL PËR NDIHMË për familjen 6 anëtarëshe nga Demjani, Gjakovë