Merret vendimi për restaurimin e Xhamisë së Çarshisë në Prishtinë

Pas nënshkrimit të memorandumit mes Ministrisë së Kulturës, Bashkësisë Islame të Kosovës dhe Agjencisë Turke për Bashkëpunim dhe Koordinim TIKA, do të fillojë restaurimi i xhamisë së Çarshisë në Prishtinë.

Agjencia Turke për Bashkëpunim dhe Koordinim, TIKA, në bazë të këtij memorandumi do të restaurojë edhe xhaminë e Gazi Mehmed Pashës (Xhamia Bajrakli) në Prizren.

Sekretari i Ministrisë së Kulturës, Veton Firzi ka thënë se restaurimi i këtyre dy xhamive do të bëhet konform Ligjit për trashëgimi kulturore.

“Në bazë të memorandumeve të nënshkruara, obligimet e MKRS-së janë që pjesa administrative të bëhet konform Ligjit për trashëgimi kulturore”, ka thënë Firzi.

Kurse Myftiu i Kosovës, Naim Tërnava, ka thënë se ka qenë e padrejtë që gjashtë vjet është rrethuar ajo xhami dhe bëri thirrje që MKRS-ja të lehtësojë punën për restaurimin e monumenteve.

“Ka qenë e padrejtë që gjashtë vjet në mënyrë figurative po them, e kemi rrethuar atë xhami dhe e kemi mbajtur si të burgosur, duke pas parasysh se janë letërnjoftim i Prishtinës së vjetër”, ka thënë Tërnava.

Xhamia e Çarshisë për vite të tëra kishte mbetur në gjendje të mjerueshme pas mosmarrëveshje mes Komunës së Prishtinës dhe Institutit për Mbrojtjen e Trashëgimisë Kulturore./evropaelirel/

Twitter Digg Delicious Stumbleupon Technorati
Index ->

Komentet

No Comments!

Komento këtë artikull:

* Emri
* E-mail adresa juaj 1
* Your Comment 2

shkronja të mbetura.

 

Shkruaj kodin:

Captcha

 

* Fusha duhet të plotësohet patjetër


1. E-mail adresa juaj nuk do të publikohet, dhe do të jetë e dukshme vetëm për administratorët e faqës.


2. Islam Gjakova.net e posedon të drejtën e redaktimit, modifikimit dhe fshirjes së komenteve që kanë përmbajtje ofenduese, që fyejnë dikë dhe që nuk i përmbahen temës së artikullit. Gjatë komenteve gjithashtu nuk lejohet reklamimi i ndonjë ueb-faqe.