KMSH dhe BIK bashkëpunojnë në ringjalljen e trashëgimisë kulturore Islame në trevat shqiptare

Myftiu i Kosovës z.Naim Ef. Tërnava i shoqëruar nga sekretari i përgjithshëm i BIK z.Resul Ef.Rexhepi dhe anëtarët e kryesisë z.Ahmet Sadriu dhe z.Ramadan Shkodra u prit sot në një takim pune nga Kryetari i Komunitetit Mysliman të Shqipërisë, Haxhi Skender Bruçaj.

Kreu i KMSH-së falënderoi Myftiun Tërnava për bashkëpunimin e vazhdueshëm ndërmjet dy institucioneve si dhe për ndihmën konkrete që BIK ka dhënë në myftini të ndryshme të Shqipërisë si në atë të Kukësit, Pukës etj.
Nga ana e tij Myftiu Tërnava vlerësoi bashkëpunimin konkret të deritanishëm me Komunitetin Mysliman të Shqipërisë dhe theksoi nevojën e zgjerimit të bashkëpunimit në fusha të ndryshme ndërmjet dy institucioneve.
Më tej ai i dorëzoi Kryetarit të KMSH-së shumën prej rreth 52.000 eurosh të mbledhura nga besimtarët e Republikës së Kosovës si kontribut për restaurimin e Xhamisë së Gjin Aleksit, Delvinë, restaurim i cili po kryhet nga Komuniteti Mysliman i Shqipërisë.
Këto fonde do të përdoren në fazën e dytë të restaurimit të brendshëm të xhamisë së lartpërmendur.
Kryetari Bruçaj i shprehu mirënjohjen e tij personale dhe të institucionit që ai drejton Kryetarit të Bashkësisë Islame të Kosovës, drejtuesve të tjerë të pranishëm si dhe të gjithë besimtarëve të Kosovës që me kontributin e tyre e forcojnë edhe më shumë vëllazërinë e shqiptarëve në të dy anët e kufirit.







Twitter Digg Delicious Stumbleupon Technorati
Index ->

Komentet

No Comments!

Komento këtë artikull:

* Emri
* E-mail adresa juaj 1
* Your Comment 2

shkronja të mbetura.

 

Shkruaj kodin:

Captcha

 

* Fusha duhet të plotësohet patjetër


1. E-mail adresa juaj nuk do të publikohet, dhe do të jetë e dukshme vetëm për administratorët e faqës.


2. Islam Gjakova.net e posedon të drejtën e redaktimit, modifikimit dhe fshirjes së komenteve që kanë përmbajtje ofenduese, që fyejnë dikë dhe që nuk i përmbahen temës së artikullit. Gjatë komenteve gjithashtu nuk lejohet reklamimi i ndonjë ueb-faqe.