BIRK merr mirënjohje për kontributin në kuadër të fushatës “Ta Pastrojmë Kosovën”

BIRK-ut i ndahet mirënjohje për kontributin në kuadër të fushatës “Ta Pastrojmë Kosovën” nga Ministria e Mjedisit dhe Planifikimit Hapësinor

Ministria e Mjedisit dhe Planifikimit Hapësinor së bashku me Let’s Do It, pas 3 muajve të aktiviteteve të shumta në tërë Kosovën ka përmbyllur Fushatën “Ta Pastrojmë Kosovën”, e cila filloi me 15 shtator, kurse përfundoi më 15 dhjetor 2018. Në këtë konferencë do të prezantohen të arriturat gjatë fushatës tremujore dhe do të bëhet shpallja e komunave fituese. Me rastin e përfundimit të fushatës, ministri i Mjedisit dhe Planifikimit Hapësinor, Fatmir Matoshi dhe drejtori i Let’s Do It Kosova, Luan Hasanaj falënderuan anëtarët e task forcës për angazhimin e tyre institucional, komunat, shoqërinë civile, vullnetarët, mediat dhe gjithë qytetarët e Kosovës për angazhimin e tyre për pastrimin e Kosovës. Me këtë rast u dhanë edhe mirënjohje, në mesin e të cilave u çmua puna dhe angazhimi i vazhdueshëm i Bashkësisë Islame të Kosovës, ku u nderua me mirënjohje të cilën ministri i Mjedisit dhe Planifikimit Hapësinor, Fatmir Matoshi mirënjohjen ia dorëzoi u.d. të sekretarit të BIRK-ut, Ahmet ef. Sadriut.


Na ndiqni

Lexoni lajmet më të fundit nga rrjetet tona sociale!

Video

"Disiplinë dhe rregull" - Visar ef. Koshi