URIMI ME RASTIN E PAVARËSISË SË REPUBLIKËS SË KOSOVËS

Me rastin e 17 Shkurtit, ditës së shpalljes së pavarësisë së Kosovës, Kryesia e Bashkësisë Islame të Kosovës uron të gjithë qytetarët e Kosovës për këtë ditë.

Dita e 17 Shkurtit shënon historinë më të re të Kosovës dhe ngjarjen e saj më madhështore, që është shpallja e pavarësisë.

Në këtë ditë kur kujtojmë kthesën më të madhe për kombin duhet të reflektojmë, në rend të parë, duke qenë falënderues ndaj Krijuesit Fuqiplotë, ndaj të gjithë atyre brezave që me sakrificën e gjakun e derdhur të dëshmorëve jetësuan ëndrrën shekullore dhe ndaj gjithë faktorit ndërkombëtar, botës së lirë që na ndihmuan të jetësojmë idealin e kahmotshëm.

Tani që kemi plotësuar dekadën e parë si shtet, kemi hyrë në fazën kur më shumë se kurrë kemi nevojë për bashkim e bashkërendim detyrash e obligimesh në të gjitha nivelet institucionale duke ruajtur unitetin tonë veprues, ngase lufta për shtetndërtim ka qenë dhe vazhdon të na jetë sfidë siç ka qenë edhe për kombet e mëdha në historinë e tyre.

Pavarësimi është një moment, i cili, në fakt, hap një histori të re, me përgjegjësi e detyra të reja e të shumta, në fokus të të cilave është dinjiteti i qytetarit dhe mirëqenia e tij.

Bashkësia IsIame e Kosovës është e perkushtuar që, amanetin e ulemasë sonë për t’i dalë zot vatanit, ta ruajë e ta kultivojë si një nga vlerat më të larta dhe do të jetë e pakompromis në luftën kundër çdo ideologjie radikale që rrezikon sigurinë dhe imazhin e vendit tonë.

Edhe një herë, gëzuar 11-vjetorin e Pavarësisë së Kosovës!

Twitter Digg Delicious Stumbleupon Technorati
Index ->

Komentet

No Comments!

Komento këtë artikull:

* Emri
* E-mail adresa juaj 1
* Your Comment 2

shkronja të mbetura.

 

Shkruaj kodin:

Captcha

 

* Fusha duhet të plotësohet patjetër


1. E-mail adresa juaj nuk do të publikohet, dhe do të jetë e dukshme vetëm për administratorët e faqës.


2. Islam Gjakova.net e posedon të drejtën e redaktimit, modifikimit dhe fshirjes së komenteve që kanë përmbajtje ofenduese, që fyejnë dikë dhe që nuk i përmbahen temës së artikullit. Gjatë komenteve gjithashtu nuk lejohet reklamimi i ndonjë ueb-faqe.