Myftinia Shkodër organizon “Iftarin e bujarisë shkodrane”

Mbrëmjen e së mërkurës, më 22 maj 2019, Myftinia Shkodër organizoi “Iftarin e bujarisë shkodrane”, ku ishin të ftuar autoritete të qytetit, drejtues të komuniteteve fetare, shoqatave bamirëse, drejtues të myftinive Prizren dhe Ulqin, imamë e këshilltarë, pedagogë dhe intelektualë të qytetit të Shkodrës.

Në këtë sofër të harmonisë ishte i pranishëm edhe Kryetari i Komunitetit Mysliman të Shqipërisë, H. Bujar Spahiu me bashkëpunëtorë.

Në prag të iftarit, Myftiu i Shkodrës, Imam Muhamed B. Sytari, falënderoi pjesëmarrësit për praninë e tyre, sikurse u lut që All-llahu i Madhëruar ta begatojë Shkodrën dhe shkodranët, Shqipërinë dhe shqiptarët në krejt trojet tona, si dhe të mbulojë njerëzimin me mëshirën dhe bekimet e Tij.

Një urim me rastin e kësaj mbrëmje dha edhe Kryetari i KMSh-së, i cili vlerësoi tubimin e autoriteteve të qytetit të Shkodrës, drejtuesve të komuniteteve fetare, miqve dhe vëllezërve nga Prizreni dhe të pranishëmve në këtë natë Ramazani, sikurse u lut për paqe e begati për vendin dhe mbarë njerëzimin.

Iftari u shoqërua me biseda të dobishme dhe këmbim të urimeve, që nuk munguan edhe nga Kryetarja e Bashkisë Shkodër, znj. Voltana Ademi, si dhe ish-Kryetari i K.B.I. Prizren, H. Lutfi Ballek dhe Kryeimami i Ulqinit, Mr. Ali Bardhi./myftinia-shkoder/

Twitter Digg Delicious Stumbleupon Technorati
Index ->

Komentet

No Comments!

Komento këtë artikull:

* Emri
* E-mail adresa juaj 1
* Your Comment 2

shkronja të mbetura.

 

Shkruaj kodin:

Captcha

 

* Fusha duhet të plotësohet patjetër


1. E-mail adresa juaj nuk do të publikohet, dhe do të jetë e dukshme vetëm për administratorët e faqës.


2. Islam Gjakova.net e posedon të drejtën e redaktimit, modifikimit dhe fshirjes së komenteve që kanë përmbajtje ofenduese, që fyejnë dikë dhe që nuk i përmbahen temës së artikullit. Gjatë komenteve gjithashtu nuk lejohet reklamimi i ndonjë ueb-faqe.