Të gjithë neve na lidh diçka

Miu shikonte nga vrima e tij në mur se si fshatari dhe gruaja e tij hapnin një kuti.

A thua çka mund të jetë në të? Mendoi miu, por u dëshpërua kur pa se nga kutia doli një kurth minjsh.

Doli miu në oborr i trishtuar që t’i paralajmëroj të tjerët: "Në shtëpi është një kurth minjsh! Në shtëpi është një kurth minjsh!” Bërtiste miu që ta dëgjojnë të tjerët.

Pula e dëgjoi, hapi krahët, ngriti kokën dhe tha: "zotëri mi, mund të them se kjo është një çështje shumë serioze për ty, por kjo nuk ka të bëjë me mua. Kurthi i minjve mua nuk më bën dëm."

Miu iu kthye dhisë: "Në shtëpi është një kurth minjsh!"

Edhe dhisë i erdhi keq dhe tha: "Më vjen shumë keq, zotëri mi, por nuk mund të bëj asgjë, vetëmse të lutem për ty."

Miu iu kthye lopës: "Në shtëpi është një kurth minjsh."

Lopa tha: "Hmmm, zotëri mi. Më vjen keq për ty, por kjo mua nuk më intereson fare."

Miu u kthye në shtëpi kokë ulur dhe i brengosur, duke menduar se vetëm duhet të ballafaqohet me kurthin e fshatarit.

Atë mbrëmje, në shtëpi u dëgjua zhurma e kurthit. Gruaja e fermerit nxitoi të shikon se çfarë u kap në kurth. Në errësirën e natës nuk pa se në të ishte një gjarpër helmues, bisht i të cilit ishte kapur në kurth. Gjarpri e kafshoi gruan e fermerit, ajo menjëherë u dërgua në spital, por në shtëpi u kthye me ethe.

Dihet se ethet trajtohen me supë pule të freskët, kështu që fermeri shkoi me sëpatë në oborr dhe e preu pulën.

Sëmundja e gruas mori përmasa më të mëdha, miqtë dhe fqinjët erdhën që ta vizitojnë. Për t’i ushqyer ata, fermeri preu dhinë.

Gjendja e gruas u përkeqësua dhe ajo vdiq. Një numër i madh i njerëzve erdhën në funeral, dhe fermeri u detyrua ta prenë lopën që të sigurojë ushqim të mjaftueshëm.

E miu i trishtuar të gjitha këto i shikonte nga vrima e tij në mur.

-------------------------------------------------

Lexues të nderuar kur të dëgjoni dikë që është duke u përballur me një problem dhe mendoni se kjo nuk ka të bëjë me ju, mos harroni se kur njëri prej nesh është i kërcënuar, të gjithë jemi në rrezik. Të gjithë ne jemi të përfshirë në këtë udhëtim të mrekullueshëm të quajtur jetë. Duhet të kujdesemi për njëri-tjetrin dhe të bëjnë përpjekje që ta inkurajojmë njëri-tjetrin. Ndoshta nuk kemi lidhje gjaku, ndoshta nuk jemi as miq, por të gjithë ne na lidhë humaniteti.

Shembulli i besimtarëve për dashurinë e tyre reciproke dhe mëshirën e ndërsjellë është sikurse shembulli i një trupi të vetëm: nëse vetëm një organ ankohet, atëherë edhe organet tjera nuk janë të qeta”.

Twitter Digg Delicious Stumbleupon Technorati
Index ->

Komentet

No Comments!

Komento këtë artikull:

* Emri
* E-mail adresa juaj 1
* Your Comment 2

shkronja të mbetura.

 

Shkruaj kodin:

Captcha

 

* Fusha duhet të plotësohet patjetër


1. E-mail adresa juaj nuk do të publikohet, dhe do të jetë e dukshme vetëm për administratorët e faqës.


2. Islam Gjakova.net e posedon të drejtën e redaktimit, modifikimit dhe fshirjes së komenteve që kanë përmbajtje ofenduese, që fyejnë dikë dhe që nuk i përmbahen temës së artikullit. Gjatë komenteve gjithashtu nuk lejohet reklamimi i ndonjë ueb-faqe.