Përse më godite?

Në kohën e kalifit Harun Reshid, hoxha i Me'munit, djalin e kalifit, një ditë e godet me shkop pa kurrfarë arsyeje

Me'muni i habitur e pyet hoxhën e vet:
- Përse më godite?
Hoxha i tha:
- Hesht!
Pasi biseduan pak me njëri-tjetrin, Me'muni e pyeti sërish:
- Hoxhë, ç’pate që më godite?
Hoxha përsëri i tha:
- Hesht.
Pas njëzet vitesh, kur Me'muni ishte bërë kalif, duke pasuar në këtë post Harun Reshidin, u kërkon njerëzve që e rrethonin t’ia sillnin hoxhën.
E njoftuan dhe hoxha u paraqit, por tani jo para nxënësit, por para kalifit.
Me'muni i thotë:
- Hoxhë, kanë kaluar kaq vite dhe unë akoma nuk e kam kuptuar arsyen përse më ke goditur. Të lutem, a mund të ma tregosh tani?
Hoxha, duke vënë buzën në gaz, i thotë:
- Akoma nuk e ke harruar?!
- Jo, pasha Zotin e Madh, ia kthen Me'muni,
- Si ta harroj kur jam i bindur se më keni goditur pa arsye.
Hoxha i kthen një përgjigje që duhet mbajtur vath në vesh nga secili prej nesh, sepse realisht është një mësim i vyer për gjithë jetën.
- Të kam goditur me një qëllim që, nëse vjen një ditë e bëhesh kalif, të jesh i kujdesshëm me njerëzit. Të mos u bësh padrejtësi, pasi ata nuk do ta harrojnë kurrë. Padrejtësia është një zjarr që fle në zemër. Edhe nëse kalojnë vite, ai zjarr nuk shuhet kurrë.



Ardit Hoxhllaku

Twitter Digg Delicious Stumbleupon Technorati
Index ->

Komentet

No Comments!

Komento këtë artikull:

* Emri
* E-mail adresa juaj 1
* Your Comment 2

shkronja të mbetura.

 

Shkruaj kodin:

Captcha

 

* Fusha duhet të plotësohet patjetër


1. E-mail adresa juaj nuk do të publikohet, dhe do të jetë e dukshme vetëm për administratorët e faqës.


2. Islam Gjakova.net e posedon të drejtën e redaktimit, modifikimit dhe fshirjes së komenteve që kanë përmbajtje ofenduese, që fyejnë dikë dhe që nuk i përmbahen temës së artikullit. Gjatë komenteve gjithashtu nuk lejohet reklamimi i ndonjë ueb-faqe.