Mesazh sensibilizues nga Komuniteti Mysliman i Shqipërisë

Të dashur qytetarë!

Komuniteti Mysliman i Shqipërisë solidarizohet me të gjithë të dëmtuarit dhe të prekurit nga tërmeti në Tiranë, Durrës, Krujë dhe qytetet e tjera.

Sot, në orët e para të mëngjesit, të gjithë së bashku përjetuam momente tensioni dhe frike, si pasojë e tërmetit që përfshiu të gjithë vendin.

Fenomene të tilla natyrore normalisht krijojnë panik midis njerëzve. Mbi të gjitha cilido prej nesh duhet të marrë mësimin e duhur nga kjo.

Së pari, t’i lutemi të madhit Zot që të na fali gabimet e shumta dhe të na ruaj nga të dëmet e tërmetit.

U bëjmë thirrje të gjithë qytetarëve të mbështesin njëri-tjetrin, të ndihmojmë të moshuarit, gratë shtatzëna, fëmijët dhe këdo që ka nëvojë.

Të ruajmë qetësinë dhe të shmangim panikun. Për çdo rast të lajmërojmë numrat e emergjencës:
129 Policia
128 Zjarrfikësja
127 Ambulanca
112 Shërbimet e emergjencës.

Në këto raste është e rëndësishme të lini linjat e emergjencës të lira nëse nuk keni vërtet nevojë për ndihmë.

Fatkeqësisht njoftohemi që ka disa viktima, qindra të lënduar, e shumë banesa të shembura.

Është koha të sensibilizohemi dhe ti zgjasim dorën e ndihmesës të afërmve, fqinjeve dhe miqve bashkëkombas të lënduar.

Në këto momente të vështira, i lutemi Zotit që ti mëshirojë viktimat e këtij tërmeti, tu japë durim të afërmve të tyre dhe urojmë shërim sa më të shpejtë për të gjithë të lënduarit!


Na ndiqni

Lexoni lajmet më të fundit nga rrjetet tona sociale!

Video

APEL PËR NDIHMË për familjen 6 anëtarëshe nga Demjani, Gjakovë