Personeli mjekësor në Holandë falënderohet me një ajet nga Kurani Famëlartë

Holanda ka falënderuar personelin mjekësor që po lufton me koronavirusin, përmes një bilbordi, ku gjendet një ajet nga Kurani Famëlartë.

Drejtuesit e Xhamisë “Rahman” në Amersfoort, kanë shfrytëzuar një bilbord për të falënderuar personelin mjekësor që këto ditë punon intensivisht që të përballoj krizën e shkaktuar nga virusi korona.
Në bilbordin e vendosur në stacionin e autobusave përballë Spitalit “Meander”, krahas falënderimit për personelin shëndetësor të shkruar në gjuhën angleze dhe holandeze, zë vend edhe një pjesë e ajetit 32 të kaptinës “Maide”: “… Nëse dikush shpëton një jetë, është sikur të ketë shpëtuar jetën e krejt njerëzve…”
Kreu i Xhamisë “Rahman”, Ramazan Yildiz, theksoi se aty nuk kanë përdorur as logon, e as emrin e tyre institucional.
“Qëllimi ynë ishte që në plan të parë të paraqesim fjalën e Allahut, e jo veten tonë. Këtë e bëmë që të arrijmë kënaqësinë e Allahut”, mes tjerash u shpreh ai.


Na ndiqni

Lexoni lajmet më të fundit nga rrjetet tona sociale!

Video

Programi Festiv për Fitër Bajram