Pas takimit të sotëm në mes të kreut të Bashkësisë islame të Kosovës dhe përgjegjësve nga institucionet shtetërore, pas rivlerësimit të masave kufizuese për shkak të pandemisë covid 19, u vendos që nga dita e enjte, datë 28 maj 2020 të hapen të gjitha xhamitë në territorin e Republikës së Kosovës për kryerjen e riteve fetare (pesë kohët e namazit dhe xhumasë).
Bashkësia Islame e Kosovës ju rekomandon që gjatë prezencës në xhami të vazhdoni t'i përmbaheni masave të përcaktuara nga Ministria e Shëndetësisë për parandalim të përhapjes së virusit, i cili edhe më tej vazhdon të jetë prezent në Kosovë.

MASAT QË DUHET TË VAZHDOJNË TË RESPEKTOHEN PËR PREZENCË NË XHAMI, JANË:

- Të merret abdest në shtëpi
- Të vendosen maskat
- Të ketë dezinfektues duarsh në xhami
- Të mbahet distanca sociale
- Të mos ketë tubime tjera përveç namazit (jo tubime me vijues të mësim besimit, jo mukabele, jo ligjërata me përjashtim të hutbes së xhumasë)
- Ligjërata e xhumasë mos të zgjatet më tepër se 10 minuta
- Të mos shfrytëzohen abdes’hanet dhe toaletet e përbashkëta.

Luten të gjithë besimtarët që do t'i frekuentojnë xhamitë të jenë të kujdesshëm dhe t’u përmbahen masave të rekomanduara nga Ministria e shëndetësisë.

Zoti na ndihmoftë ta tejkalojmë sa më shpejt këtë sprovë që ka kapluar vendin tonë.


Na ndiqni

Lexoni lajmet më të fundit nga rrjetet tona sociale!

Video

Ka filluar mësim-besimi fetarë në rreth 20 xhami të qytetit dhe të fshatrave të Gjakovës