Xhamia Al-Aksa mbyllet për 3 javë për shkak të COVID-19


Xhamia Al-Aksa në Kuds do të mbyllet për tre javë për shkak të përhapjes së koronavirusit (COVID-19), njoftoi sot Vakëfi Islam i Kudsit, raporton Anadolu Agency.

"Adhuruesit dhe vizitorët nuk do të pranohen në xhami që nga e premtja për një periudhë tre javore për shkak të shpërthimit të virusit", tha për AA, Hatem Abdel Qader, një anëtar i Vakëfit Islam të Kudsit.

Ai megjithatë tha se xhamia do të mbetet e hapur për thirrjen e ezanit, rojet e xhamisë dhe stafin.

Sipas autoriteteve shëndetësore palestineze, numri i rasteve me COVID-19 në Kuds ka arritur në 8.000 që nga qershori.

Xhamia Al-Aksa u mbyll për dy muaj në fund të marsit për shkak të shpërthimit të koronavirusit.

Xhamia Al-Aksa është vendi i tretë më i shenjtë në botë për muslimanët. Hebrenjtë e quajnë zonën Mali i Tempullit, duke pretenduar se është vendi i dy tempujve hebrenj në kohërat antike.


Na ndiqni

Lexoni lajmet më të fundit nga rrjetet tona sociale!

Video

APEL PËR NDIHMË për familjen 6 anëtarëshe nga Demjani, Gjakovë