Një kosovar ishte i pari që themeloi jetën Islame në Zelandë të Re

Bota është tronditur nga sulmi terrorist që ka ndodhur të premtën në Zelandë të Re. Terroristi i quajtur Brenton Tarrant ka vrarë 50 persona që po faleshin në Xhumanë, në dy xhami të Christchurch.

Sulmi është dënuar nga shumë liderë botërorë shtetesh dhe bota po solidarizohet me viktimat e këtij sulmi.

Zelanda e Re njihet si shtet me tolerancë të madhe fetare. Madje, Indeksonline mëson se ishte një kosovar i pari që kishte filluar organizimin e jetës Islame në këtë shtet.



Masar Krasniqi, i lindur në vitin 1931 në Prishtinë ishte personi i parë që filloi me organizimet e jetës Islame në këtë shtet.

Krasniqi në vitin 1950 u dëbua nga regjimi komunist i Jugosllavisë për në Zelandë. Ai arriti në Wellington më 1 maj 1951 dhe aty filloi të punojë në vende të ndryshme të punës duke përfshirë punë bujqësore në jug.

Më 1 janar 1956 ai mori pjesë në Kongresin e parë të organizatës myslimane nga Zelanda e Re dhe u bë anëtar i Komitetit Ekzekutiv, në të cilën qëndroi deri në vitin 1992.

Ai shërbeu dy herë si president i saj, në vitin 1975 dhe në vitin 1987.

Në 1960 Krasniqi ngriti një restorant të quajtur ‘Shqipëria’ në periferi të Panmure ku ai u bë shumë i suksesshëm si biznesmen.

Në vitet 1970, Krasniqi zhvilloi kontakte me ambasadat myslimane në Wellington dhe Canberra, dhe vazhdimisht mori pjesë në konferencat në emër të komunitetit mysliman, Zelanda e Re.

Ai ishte gjithashtu i pranishëm në hedhjen e gurit të themelit për ndërtimin e xhamisë së parë në këtë shtet, më 30 mars 1979, shkruan Indeksonline.

Më pas, Masar Krasniqi u bë presidenti i parë i parë mysliman, organizatë kombëtare, Federata e Shoqatave Islamike e Zelanda e Re (FIANZ). Ai u zgjodh në postin e lartë në 15 prill 1979.

Gjatë krizës në Kosovë më 1999 Krasniqi bindi qeverinë e Zelandës së Re që menjëherë të pranohen 650 refugjatë kosovarë.

Më 1 prill 1999 në Zelandën e Re, Lidhja Shqiptare Qytetare , e cila udhëhiqej nga president Krasniqi, organizuan një demonstrim në Auckland për të shprehur mbështetjen e bombardimeve të NATO-s ndaj Serbisë.

Twitter Digg Delicious Stumbleupon Technorati
Index ->

Komentet

No Comments!

Komento këtë artikull:

* Emri
* E-mail adresa juaj 1
* Your Comment 2

shkronja të mbetura.

 

Shkruaj kodin:

Captcha

 

* Fusha duhet të plotësohet patjetër


1. E-mail adresa juaj nuk do të publikohet, dhe do të jetë e dukshme vetëm për administratorët e faqës.


2. Hallo Admin Site ?s No Safe ! e posedon të drejtën e redaktimit, modifikimit dhe fshirjes së komenteve që kanë përmbajtje ofenduese, që fyejnë dikë dhe që nuk i përmbahen temës së artikullit. Gjatë komenteve gjithashtu nuk lejohet reklamimi i ndonjë ueb-faqe.