E vetmja xhami “pa gozhdë” e vendit, e ndërtuar në fillim të shekullit të 20-të në Karakol, qyteti më i madh në zonën Issyk Göl, në pjesën veriore të Kirgistanit, vazhdon të qëndrojë në këmbë që prej një shekulli raporton Anadolu Agency.

Xhamia historike shekullore “?brahim Haxhi” e cila njihet edhe si “Mesxhidi Dungan” e ndërtuar në qytetin Karakol me një minare klasike kineze, tërheq shumë vëmendjen e turistëve vendas dhe të huaj që vijnë në këtë lokalitet.

E ndërtuar me teknikën “çandi” pa përdorur gozhdë me një minare dhe një kat të vetëm xhamia luan një rol të madh për turizmin e besimit në Kirgistan.

Vendi i lutjes, i cili preferohet për namazin e teravive gjatë Ramazanit, vizitohet për shkak të gjendjes së saj historike.

Brenda xhamisë, tërheqin vëmendjen figurat e dragoit, zogu feniks dhe luanit të cilat janë të pranishme në mitologjinë kineze.

Xhamia “?brahim Haxhi” është ndërtuar për 3 vite në 1910 nga arkitekti me origjinë kineze Zhou-Su i cili ishte i ftuar nga drejtuesit e popullit Dungan të cilët u detyruan të migronin pasi nuk i rezistuan persekutimeve të bëra në fund të shek.19 në Kinë. Për ndërtimin e xhamisë ndërtimi i të cilës u lejua nga qeveria e carit rus me kapacitet 120 persona janë përdorur pemët bredh Ulmaceae dhe plepi.