Prej cilësive dhe emrave të bukur të Allahut është se Ai falë shumë mëshiron. Kemi hyrë në pjesën ku Allahu falë shumë.
Muhamedi a.s thotë, se dhjetë-ditshi i parë është mëshirë, dhjetë ditshi i dytë falje, ndërsa në dhjetë ditshin e tretë dhe të fundit, bëhet hapja e dyerve të Xhenetit. Në atë dhjetë ditësh është edhe një natë, më e vlershme se një jetë e tërë, më me vlerë se njëmijë muaj – Nata e Kadrit! E ç’dimë ne për këtë natë madhështore! Fillon prej perëndimit të diellit dhe përfundon me agim të mëngjesit. E kush e përjeton, veçse atij që ia ka mësyrë kënaqësisë së Zotit të vet!
O Allah, ne kemi nevojë të na falësh në këtë muaj të begatë të ramazanit, jemi në ditët e faljes andaj na fal ne, fali familjet tona, fale farafisllekun dhe njerëzit që na rrethojnë e që nuk na rrethojnë. Allahu im, më fale mua kur unë gabova, jam krijesë e jotja, harroj, gaboj.
All-llahu im, Ti je Falës, Bujar dhe e do faljen, ndaj më fal mua” – Hadith:Tirmidhiu.
Allah ti je një i pashok, bëj zemrat e agjëruesve të afrohen mes veti, të duhen e të shpërndajnë selam-paqe ngado që ecin e të lënë gjurmë e mesazhe të mirësisë e harmonisë paqësore.
Në Kur’an kërkimi faljes dhe që Allahu është falës përmendet shumë herë: “…e kërkoni falje prej All-llahut, se All-llahu është mëkatfalës, mëshirues!” (Muzemil-20).
Moment i preferuar dhe adekuat për agjëruesin të kërkojë falje është koha e syfyrit në ramazan: “Dhe ata që janë të durueshëm, të drejtë, të devotshëm e dorëdhënës dhe të cilët në kohën e agimit (syfyrit) kërkojnë ndjesë. (Ali-Imran 17).
Në këto ditë të dhjetë ditëshit të faljes kërkohet nga ne:
1. Istigfar-Kërkim falje i shpeshtë
2. Shtimi dhikrit gjatë agjërimit
3. Duatë e shpeshta
4. Leximi Kuranit dhe ajeteve që kanë dua që flasin për kërkimin falje
5. Allahu falë shumë
6. Falja jote të jetë e sinqertë
7. Mos e përsërit të njëjtin gabim
8. Pendohu dhe kthjellohu
9. Ndihmoji të mjerët
10. Kërko falje pendohu sa nuk është bërë vonë dhe mos përqesh të tjerët
Vëllezër, Allahu i falë krijesat e ti të cilat janë zhytur në pellgun e errët të mëkatit si shkak i mosnjohjes së shumë problemeve. Shumë muslimanë duke u treguar naiv dhe duke mos pyetur të dijshmit bëjnë gjëra që dëmtojnë imazhin e vet dhe e njollosin të tjerëve. Allahu u ka bërë thirrje të gjithë njerëzve që të pendohen dhe i ka lajmëruar se ua falë të gjitha mëkatet, ata që pendohen dhe largohen prej tyre, sado që të jenë të shumta edhe nëse janë sa shkuma e detit.
Allahu i Madhëruar thotë: “O robërit e Mi, të cilët e keni ngarkuar me shumë gabime veten tuaj, mos e humbni shpresën ndaj mëshirës së Allahut, pse Allahu i falë të gjitha mëkatet, Ai është që shumë falë dhe është mëshirues!” (Zumer: 53).
Vërtet Pejgamberi a.s ka thënë:”Ç'do bir i Ademit është gabimtar dhe më i miri gabimtar është ai që pendohet.”
Kërkimi faljes është ibadeti më i mirë dhe njeriu i vyer është ai njeri i cili bën dhikër këto net dhe ditë të begata.
Keqardhja për mëkatin e bërë, thotë Muhammedi, sal-all-llahu alejhi ve sel-lem: “Keqardhja është pendim”.
Ibn Umeri thotë: “Kemi mundur që të numërojmë Pejgamberin a.s të thotë 100-herë: ”O Zot më fal dhe më prano pendimin tim! Ti je Ai që pranon pendimin dhe që falë shumë:”.
Ebu Hurejre thotë se: “Pejgamberi a.s thoshte: “Vallahi unë e lus Allahun për falje mëkatesh më shumë se 70-herë në ditë.”
O Allah ti je falës, fale robin tënd të cilit ju ter buza duke agjëruar për shpërblim-adhurim, fale robin tënd që iu ka qetësuar shpirti duke të përmendur ty, fale robin tënd që të adhuron vetëm Ty.
Allahu falë shumë :
1. Je zhytur në mëkate Allahu të fali
2. Ke humbur rrugën Allahu të udhëzoi
3. Ishe në errësirë Allahu të ndriçoi
4. Mendimet t’ua negative u kthyen në pozitive
5. Puna jote negative u fal, u ktheve në punë pozitive
6. Urtësia t’u dha, Mekatfalësi t’i fali mëkatet e t’ua
7. Muhamedi a.s kur hyri në Mekë, kur ajo u çlirua, idhujtarëve edhe pse ata bënë shumë padrejtësi u tha jeni të falur.
8. Fal se do të falesh
9. Falju sa nuk ta kanë falur
10. Pendohu dhe mos u ndalo duke kërkuar falje Allahut mëngjes e mbrëmje.
11. Vërtetë Allahu na tregon se: “…ka shpëtuar ai që e pastroi vetveten.” (Shems-9), andaj pastroju nga mëkatet se Allahu falë shumë e mëshiron, është momenti yt në këto dit falje të ramazanit, të kërkosh falje nga Ai që falë.
