Tregimet për miliarderët e vetë-bërë, të cilët filluan nga asgjëja për të arritur deri në majat më të larta, në botën e biznesmenëve më të pasur dhe më të suksesshëm, na ofrojnë momente frymëzuese nga të cilat mund të mësojë çdo i ri aspirues.

Tregimi për biznesmenin saudit Sheik Sulaiman bin Abdul Aziz Al Rajhi, për punën e tij të rëndë, këmbënguljen dhe suksesin. Njeriun i cili filloi si një sipërmarrës i ri në një kohë kur ndërtimi i bizneseve të reja në rajonin e Gjirit Arabik sapo kishte filluar.

Themelues i Bankës ‘Al Rajhi’, gjatë rrugëtimit të tij, nuk kishte arsimim luksoz apo kushte që gëzojnë shumë sipërmarrës tjerë në ditët e sotme.

Hap pas hapi, Al Rajhi u rrit për t'u bërë një nga njerëzit më të pasur në botë. Sipas të dhënave të Forbes-it, në vitin 2011, pasuria e tij arrinte në 7 miliardë dollarë, përpara se të vendoste të bënte një hap bujar duke dhuruar një pjesë të madhe të pasurisë së tij për bamirësi.

- Sulaiman Al Rajhi, si 9 vjeçar, filloi të punojë si hamall në tregun Al Khadra.

- Në moshën 12 vjeçare, punoi si mbledhës hurmash, punë e cila paguhej jo më shumë se gjashtë rial saudite në muaj.

- Një kohë, punoi si kuzhinier në një nga hotelet e Rijadit.

- Midis punëve të ndryshme që bëri si i ri, ai punoi si grosist i vajgurit të importuar.

- Punoi si kamerier në një kompani kontraktuese Saudite për vetëm 60 Riyals Saudite në muaj, përpara se të hapte dyqanin e tij ushqimor.

- Në moshën 15 vjeçare, Al Rajhi u detyrua të shiste dyqanin e tij që të përballonte shpenzimet e martesës. Ai shpenzoi të gjitha kursimet e tij në ceremoninë e martesës.

- Më vonë punoi për vëllain e tij, Saleh Al Rajhi, në ndërmarrjen e këtij të fundit për shkëmbim të monedhave, përpara se dyshja të krijonin një degë të dytë për të njëjtën ndërmarrje në vitin 1956.

- Përparimi i tij i vërtetë erdhi në vitin 1970, kur e ndau biznesin e tij nga vëllai dhe hapi kompaninë e tij të këmbimit valutor, të cilën më vonë e zgjeroi me më shumë se 30 degë në gjithë Arabinë Saudite.

- Biznesin e tij e zgjëroi në shumë vende të botës arabe, përfshirë Egjiptin dhe Libanin, ku përfitoi shumë.

Kur u pyet për çelësin e suksesit, Sulaiman Al Rajhi shpesh ka përsëritur se ka të bëjë me "vendosjen e një qindarkë mbi tjetrën".

“Dikur ruaja çdo qindarkë që fitoja për ditën tjetër. Kjo ishte ajo që më mundësoi të kisha një pikënisje nga e cila ndërtova të ardhmen time, ”thotë ai.

“Është e rëndësishme që trashëgimtarëve tuaj t’ju lëni aq sa duhet. Është bukur t’i shohësh ata që pjesën e trashëgimisë së tyre ta shijojnë në paqe me njëri-tjetrin! Sidoqoftë, po aq e rëndësishme është kthimi i një pjese të pasurisë kombit dhe shoqërisë. Secili prej nesh suksesin tonë ia kemi borxh vendit që na ushqen, dhe njerëzve që na besuan dhe i blenë produktet tona.

Përveç kësaj, ju i detyroheni vetës aq sa i keni borxh familjes suaj. Sapo të largoheni nga kjo jetë, investimi i vetëm që ka rëndësi është ajo që keni kursyer për jetën tuaj.

Al-Rajhi gjysmën e pasurisë ia dha familjes së tij ndërsa gjysmën tjetër fondit për bamirësi.

Për dallim nga miliarderët tjerë, të cilët pasurinë e tyre e harxhojnë duke jetuar një jetë luksoze, Al Rajhi njihet për qasjen e tij të përulur dhe paksa askete.
I pyetur se: “Si ndihet një multimiliarder pa para?!”

Ai, me sy të përlotur nga gëzimi, buzëqeshi dhe tha: “Ndihem lehtë! Ndihem i lirë! Ndihem si zog … dhe kur Allahu t’më thërret, unë mund t’i përgjigjem thirrjes së Tij pa pengesa! Çfarë lehtësie!!!