"S’ka zot tjetër përveç All-llahut, Muhammedi është i Dërguari i Tij"

Me këto fjalë prof. Taxhasuni deklaron pranimin e fesë islame. Kjo ndodhi në simpoziumin e tetë të mjekësisë në Riad, në Arabinë Saudite.

Ky është prof. Taxhatan Taxhasuni, përgjegjës i anatomisë dhe i embrionologjisë në universitetin Shajng Maj në Tajlandë dhe njëherazi edhe dekan i fakultetit të mjekësisë në këtë universitet.

Kontaktin e parë me të e patëm kur i treguam disa vargje Kur`anore dhe thënie të Muhammedit a.s të cilat kanë të bëjnë me sferën e specializimit të tij në shkencën e anatomisë. Pasi ia treguam ato, ai tha ‘’edhe ne kemi në librat tonë të shenjta budiste citate që përshkruajnë në mënyrë të përpiktë etapat e embriologjisë”.

Ne i thamë se dëshironim ti njihnim ato përshkrime dhe të dinim se çfarë është shkruar në ato libra rreth embrionit.
Profesori na premtoi se pas një viti do të na i sjellë ato. Kur erdhi pas një viti për të testuar studentët e mjekësisë, në universitetin e mbretit Abdul Aziz, ia kërkuam citatet që na kish premtuar, por profesori kërkoi falje duke thënë se ‘’ unë ju premtova duke mos e verifikuar këtë gjë, por pas kërkimeve dhe hulumtimeve që bëra, pashë se në librat budiste nuk kishte citate që flisnin për etapat embriologjike’’

Pas kësaj ne i ofruam profesorit ligjëratën e shkruar nga dr. Kith Muri, me titull “përputhshmëria mes embriologjisë dhe asaj që është thënë në Kur’an dhe Sunet”

Kur e pyetëm se a e njihni prof. Kith Murin, na u përgjigj se prof. Muri është ndër dijetarët më të mëdhenj botëror në këtë fushë. Pasi e lexoi ligjëratën e tij u befasua.

Ne i bëmë prof. Taxhasonit disa pyetje në fushën e anatomisë, ca prej të cilave kishin të bëjnë me djegiet e lëkurës. Ai tha “Nëse djegia e lëkurës është e thellë, shkakton humbjen e çdo lloj ndjeshmërie”

Se me siguri ju intereson të dini se në librin e shenjtë, në Kur’anin Famëlartë para më shumë se 1400 vjetësh, është aluduar mbi këtë kur thuhet se, pabestimtarët në Ditën e Ringjalljes, do të dënohen me dënim në ferr dhe sa herë qe tu digjen lëkurat, All-llahu do tua ripërtërijë atyre lëkuren që ta ndjejnë ndëshkimin. Këtu pra, aludohet në faktin se QENDRA E NDJESHMËRISË SË DJEGIEVE NDODHET NË LËKURË.

Teksti Kur’anor në lidhje më këtë thotë: “Vërtet ata që mohuan argumentet Tona, do ti hedhim në zjarr. Sa herë që atyre tu digjen lëkurat, Ne ua nderojmë më lëkura të tjera që ta shijojnë dënimin. All-llahu është i Plotfuqishëm dhe i Mençur.” (Nisa,56)

‘’A pajtoheni që kjo që është thënë para 1400 vjetësh në Kur’anin e Shenjtë ka të bëjë me indet natyrore që gjenden në lëkurë dhe me ndjeshmërinë e saj?’’

Prof. Taxhason tha: ‘’Po! Pajtohem se kjo ka të bëjë me qendrën e ndjeshmërisë së djegieve, sepse në vargun Kur’anor thuhet se kur dikush bën mëkat do te dënohet në botën tjetër dhe, pasi ti digjet lëkura, Allahu do ti krijojë atij një lëkurë të re, qe të ndjej përsëri dhimbje, dhe kjo gjë do të përsëritet vazhdimisht. Kjo do të thotë që para 1400 vjetësh në Kur’anin e Shenjtë aludohet që qendra e ndjeshmërisë gjendet në lëkure’’

Është e vërtetë se lëkura është qendra e ndjeshmërisë së djegieve. Nëse ajo digjet plotësisht, ndjeshmëria humbet. Prandaj All-llahu i Madhëruar në Ditën e Gjykimit do ti dënojë pabesimtarët me ripërtëritjen e lëkurës, sa herë që të digjet ajo.

All-llahu i Madhëruar, në Kur’anin Famëlartë, thotë: " Vërtet ata që mohuan argumentet Tona, do ti hedhim në zjarr. Sa herë që atyre tu digjen lëkurat, Ne ua ndërrojmë më lëkura të tjera që ta shijojnë dënimin. All-llahu është i Plotfuqishëm dhe i Mençur." (Nisa,56)

Kështu prof. Taxhasonit i përmendëm disa ajete Kur’anore dhe hadithe të Pejgamberit, Muhammedit a.s., dhe e pyetëm:
“A është e mundur që Muhammedi a.s. këto njohuri ti ketë marrë nga ndonjë burim njerëzor?”
Profesori u përgjigj se s’është e mundur një gjë e tillë.

E pyetëm: ‘’ Atëherë nga e mori këtë dije?
Ai vazhdoi dhe tha: “Ju pyes unë juve se nga i mori Muhammedi këto njohuri?”
Ne i thamë: ‘’ Nga All-llahu i Madhëruar. Ai tha ‘’ Kush është All-llahu? Ne i thamë ‘’All-llahu është krijuesi i gjithësisë. Urtësia tregon të urtin, dija në këtë univers tregon se është vepër e Gjithënjohësit. Mëshira dëshmon se është dhënë nga Mëshiruesi. Rregulli unik dhe sistemi i përkryer i universit dëshmon, se është vepër e një Krijuesi të Vetëm, të Lartësuar dhe Madhështor ‘’

Prof. Taxhasoni u pajtua me tërë këto që i thamë. Me pas ai u kthye në vendin e tij, ku mbajti shumë ligjërata mbi këtë fenomen, të cilën e njohu dhe e studioi. Më pas më njoftoi se disa student kishin pranuar fenë islame, pas ligjëratave që mbajti ai. Pastaj erdhi koha e simpoziumit të 8-të të mjekësisë, në Arabinë Saudite. Në sallën e madhe të caktuar për mbajtjen e simpoziumit shkencor , me titull: “Fenomeni shkencor në Kur’an dhe në Sunet”, ai gjatë katër ditëve dëgjoi një numër profesorësh musliman dhe jomusliman, të cilët ligjëruan mbi fenomenin shkencor në Kur’an dhe në Sunet.

Në fund të ligjëratave, prof.Taxhata Taxhasuni u ngrit duke thënë:
‘’Gjatë tre muajve të fundit u thellova në studim dhe përkthimin e Kur’anit të shenjtë, të cilin ma dhuroi prof. Abdul Mexhid Ez Zendani. Vitin e kaluar prof. Muvazi më dha ligjëratën e prof. Ez Zendanit dhe të prof. Kith Murit, duke kërkuar nga unë që t’i përktheja ato ne tajlandisht dhe tu mbaja disa ligjërata muslimaneëve në Tajlandë. Unë iu përgjigja kërkesës së tij. Këtë mund ta shihni në kasetën që i dhashë, e cila përmban studimet e mia dhe atë që kam kuptuar nga konteksti i thënieve. Unë besoj vërtet se çdo gjë që është përmendur në Kur’an para 1400 vjetësh është e vërtetë e qëndrueshme dhe mund të shpjegohet përmes shkencës.

Pejgamberi Muhamed s’dinte të shkruante dhe të lexonte. S’ka dyshim se Ai ishte i Dërguari i Zotit, i cili na solli të vërtetën. Kjo e vërtet atij iu dha përmes shpalljes nga Krijuesi, Gjithnjohësi i çdo gjëje. Ky Krijues s’ka dyshim se është All-llahu.
Prandaj besoj që erdhi koha që të deklaroj se:"S’ka zot tjetër përveç All-llahut dhe se Muhammedi është i Dërguari i Tij "
Së fundi ju falënderoj për përgatitjen e mrekullueshme të këtij simpoziumi, i cili qe në një shkallë të lartë dhe të suksesshëm. Jam interesuar mjaft jo vetëm në aspektin shkencor, po kam kontaktuar edhe me shkencëtarë, duke shfrytëzuar këtë rast të shkëlqyeshëm që të lidh miqësi me ta.

Padyshim dhurata më e shtrenjtë dhe me e vlefshme që fitova me përqafimin e fesë islame është besimi se:
“S’ka zot tjetër përveç All-llahut, Muhammedi është i Dërguari i Tij”
“Kështu u bëra mysliman”
All-llahu është thënës i së vërtetës.
“Në emër të All-llahut, Bamirësit të Përgjithshëm, Mëshiruesit”
“E atyre që u është dhënë dija, e dinë që kjo që të është shpallur nga Zoti yt, është e vërteta dhe udhëzon në rrugën e të Gjithëfuqishmit dhe të Lavdëruarit” ( Sebe, 6)



Marrë nga libri "Kur’ani është i vërteti"
AbdulMexhid ez-Zindani
Përktheu: Dr. Ajni Sinani