Gruaja 104-vjeçare nga Indonezia është personi më i moshuar që ka kryer Haxhin këtë vit, sipas autoriteteve të organizimit të pelegrinazhit.
Mbah Marsiyah, iu bashkua delegacionit të Indonezisë prej 221,000 haxhilerës, një nga grupet më të mëdha kombëtare në pelegrinazhin e këtij viti.
Historia e saj bie në sy jo vetëm për moshën, por për mënyrën se si e financoi udhëtimin. Ajo nuk u mbështet në sponsorizime apo ndihma të jashtme, por ndërtoi kursimet e saj për vite të tëra përmes punës së përditshme duke shitur ushqim tradicional. Sipas rrëfimit të saj, paratë ruheshin gradualisht dhe shpesh pa dijeninë e plotë të rrethit familjar, deri në momentin kur shuma u bë e mjaftueshme për regjistrim, të cilin e kreu për herë të parë në vitin 2021.
E lindur më 1 korrik 1921, ajo ka ruajtur një lëvizshmëri të kufizuar dhe gjatë pjesës më të madhe të pelegrinazhit është ndihmuar me karrocë me rrota, megjithëse ende mund të ecë ngadalë me bastun. Ajo mbërriti në Mekë më 22 maj, e shoqëruar nga vajza e saj 67-vjeçare.
Sipas ekipit koordinues të grupit të saj në Surabaya, gjendja e saj shëndetësore është vlerësuar stabile dhe ajo ka qenë e aftë të marrë pjesë në aktivitetet kryesore të pelegrinazhit.