Afro 30 milionë besimtarë përfituan nga shërbimet vullnetare në Xhaminë e Madhe në Meke

Afro 30 milionë besimtarë kanë përfituar nga shërbimet vullnetare në Xhaminë e Madhe në Mekë që nga fillimi i vitit të kaluar Hixhri deri në tremujorin e parë të vitit aktual (1444 h), njoftoi Agjencia Saudite e Shtypit (SPA).
Sipas shifrave të publikuara nga Departamenti Social, Vullnetar dhe Humanitar i Arabisë Saudite, vullnetarë nga 35 entitete në 17 fusha ushtruan gjithsej 1.2 milionë orë në shërbim të rreth 30 milionë besimtarëve.


Shërbimet vullnetare përfshinin shërbimin e mëngjesit për 5,915,193 besimtarë, sigurimin e 366,500 çadrave dhe shpërndarjen e 2,357,190 shisheve me ujë Zemzem.
Në Xhaminë e Profetit në Medine, 7,000 vullnetarë u shërbyen pelegrinëve gjatë tetë muajve të fundit.
350,000 orë vullnetare mbuluan ndihmën për pelegrinët e moshuar dhe personat me aftësi të kufizuara, organizimin e lëvizjes së këmbësorëve, ofrimin e ndihmës së parë të specializuar dhe ofrimin e udhëzimeve për vendndodhjet në disa gjuhë.