Xhamia An-Nur në Hjuston, Amerikë, është kthyer në një strehë për banorët që humbën shtëpitë dhe bizneset e tyre si pasojë e uraganit Beryl. 
Pasi mijëra njerëz të prekur nga fatkeqësia filluan të dynden drejt xhamisë, u vendos që të përgatitet një strehë e përkohshme për ta, si dhe t'u sigurohej ushqim dhe pije e nxehtë. 
Sipas imamit të xhamisë, Zaur Gair, punëtorët tani po përpiqen të kompensojnë mangësitë e autoriteteve dhe shërbimeve sociale.
 “Ne përpiqemi të jemi mirëkuptues dhe të mos shqetësojmë zyrtarët e zgjedhur sepse në këtë kohë ata kanë gjëra tjera për të cilat duhet shqetësuar. Ne fokusohemi në nevojat e njerëzve të cilëve u shërbejmë. Pasi ta kapërcejmë këtë fazë, do t'i drejtohemi shtetit për përkrahje. Shpresoj që ata të kenë resurse edhe për komunitetin tonë,” thotë ai. 
Përkundër vështirësive në sigurimin e ushqimit dhe strehimit për një numër kaq të madh të qytetarëve, kryesia e xhamisë e konsideron këtë përvojë të dobishme për zhvillimin në të ardhmen. 
“Tani e dimë se çfarë mund të presim sepse tashmë këtë e kemi kaluar. Kjo është një barrë e madhe për ne dhe resurset tona, të cilat varen nga besimtarët dhe bamirësit. Nuk e di nëse do të mund të marrim ndihmë nga qyteti. Prandaj, ne do të dimë se si të përgatitemi për fatkeqësitë natyrore në të ardhmen”, thotë Zaur Gair.