Hysen Zeka ka lindur më 15 maj 1960 në fshatin Gumnishtë të Vushtrrisë, nga babai Shahini dhe nëna Azeminja.
Shkollën fillore “Emin Duraku” e ka mbaruar në Vërrnicë, kurse të mesmen Medresenë e mesme “Alauddin”, të Prishtinës.
Pas mbarimit të medresesë, ka punuar në Korporatën Energjetike të Kosovës (Kosova A) nga viti 1982 – 1999).
Ka qenë edhe imam për Ramazan për vite me radhë, në fshatra të ndryshme, si në Tërstenik etj..
Hysen Zeka është vrarë gjatë ofensivës serbe në këto anë në shtëpinë e tij në Vërrnicë, më 16. Prill 1999. Është varrosur në varrezat e fshatit.
Emri i Hysenit është përjetësuar në lapidarin e përbashkët të viktimave të luftës së fundit në Kosovë, të ngritur në këtë fshat.
Ka lënë pasardhës një djalë e tri vajza.