Muharrem Gashi ka lindur më 03.04.1923 në fshatin Majac të komunës së Podujevës, nga babai Sahiti dhe nëna Qamilja.
Rrjedh nga një familje me traditë hoxhallarësh. Shkollën fillore e ka mbaruar në Majac, kurse të mesmen në Prishtinë. Nga Majaci është shpërngulur në Prishtinë së bashku me familjen në 1942. Ka mbaruar edhe Shkollën e Lartë të Kontabilitetit – drejtimi financa, në Kurshumli. Ka punuar në ish-fabrikën e drurit “Napredak” në Prishtinë, pastaj në sipërmarrjen e rrugëve “Put” në Prishtinë, në fabrikën e tapetave “Fazita” në Prishtinë seri më 1984, kur u pensionua.
Më 1984 Haxhi Muharremi u angazhua si ekonomist-kontabilist në Kryesinë e Bashkësisë Islame të Kosovës, deri më 1999.
Në vitin 1982 ka kryer Haxhin. Është dalluar për devotshmëri, sinqeritet, pedanteri dhe profesionalizëm në punë.
Muharrem Gashi ka rënë shehid ditën e Kurban Bajramit, më 28.03.1999, te xhamia “Kaderije” në Mëhallën e Muhaxhirëve në Prishtinë. Në ditën kur është vrarë, ka shkuar në tri xhami të Prishtinës, ku u ka prirë besimtarëve të paktë në faljen e namazit të Kurban Bajramit. 
Sipas qytetarëve-xhematljinve, në ligjëratën e asaj dite rahmetliu kishte folur për durimin, sakrificën dhe për moslëshimin e shtëpive. 
Me të dalë nga xhamia, e arrestuan forcat serbe dhe që nga ajo ditë nuk është kthyer xhallë. Trupi i tij është kthyer gjetur në varrezën masive në lagjen Arbëria (ish Dragodan) të Prishtinës.
Rivarrimi i tij është bërë më 07.07.2000 në Varrezat e Qytetit të Prishtinës.
Ka lënë pasardhës katër djem.