Aktivisti italian Tommaso Bortolazzi, kapiten i anijes 'Maria Cristina' në Flotiljen 'Global Sumud', u konvertua në Islam, ndërsa mbahej në paraburgim të forcave izraelite.
42-vjeçari nga Civitella San Paolo, e cila ndodhet midis Capena dhe Fiano Romano në Itali, konfirmoi konvertimin e tij pas deportimit në Stamboll, duke e përshkruar përvojën si "si një i porsalindur".
Aktivistët tjerë zbuluan se Bortolazzi vendosi të përqafojë Islamin pasi vëzhgoi përkushtimin fetar të të burgosurve myslimanë.
Ai vuri në dukje rutinat e tyre të vazhdueshme të lutjes pavarësisht nga kushtet të vështira të burgut, duke përmendur konkretisht "forcën e besimit, kohezionin dhe unitetin" që ata demonstruan gjatë gjithë kohës së burgosjes.
Konvertimi ndodhi pas një konfrontimi me rojet e burgut izraelit. Bortolazzi deklaroi se rojet hynë në zonën e paraburgimit gjatë lutjeve të agimit dhe u përpoqën të ndërpresin seancën e adhurimit.
Ai ndërhyri për të mbrojtur të ndaluarit që luteshin, shumica e të cilëve ishin shtetas turq, duke çuar në përballje të drejtpërdrejtë me autoritetet.
"Ekipi im ishte nga Turqia dhe pothuajse të gjithë ishin myslimanë. Ndërsa po luteshin, oficerët e policisë izraelite hynë dhe i ndërprenë. Ndjeva nevojën t'u kundërvihesha dhe më pas, me mikun tim, thashë shahadetin", tha Bortolazzi për mediat turke.
Para se të thoshte shahadetin, Bortolazzi thuhet se pyeti nëse Zoti do ta pranonte si mysliman duke pasur parasysh tatuazhet e tij.
Miku i tij turk, Bakir Devili, e bindi atë se besimi është çështje besimi, jo pamjeje dhe e ndihmoi të shqiptonte shehadetin.
"Ai e përsëriti shahadetin dhe u bë mysliman. Kur të gjithë e uruan, policia izraelite e futi në një qeli. I thashë ti fillove të paguash çmimin për islamin tënd që në të dhjetin sekondë pasi e pranove atë", tha Devili.
Bortolazzi konvertimin e tij në Islam ai e cilësoi si një përvojë të ndriçimit të thellë shpirtëror dhe të arritjes së një paqeje të brendshme..
"Ndjeva sikur isha rilindur", tha ai duke shprehur solidaritet me palestinezët dhe mirënjohje për shokët e tij në paraburgim
Përfshirja e tij në misionin e ndihmës i parapriu transformimit të tij fetar, me përvojën e burgut që shërbeu si katalizator i menjëhershëm për konvertimin e tij.
