Në Garat Ballkanike të Kuranit fisnik, të mbajtura më 18 dhe 19 prill 2026, në Kosovë, u shpallën edhe fituesit e tri vendeve të para në secilën prej tri kategorive, atë të mësimit të dy, pesë dhe dhjetë xhuzave nga Kurani fisnik.
Në kategorinë e mësimit përmendsh të dy xhuzave, nga djemtë, i pari doli Abdurrahman Sadiku, ndërsa vendin e dytë, e zuri Rejan Morina, ndërsa të tretin Enis Elshani.
Muhamed Morina, e zuri vendin e parë në mësimin përmendsh të pesë xhuzave, ndërsa Daris Smajli dhe Butrint Syla, zunë vendin e dytë, respektivisht të tretin.
Ndërsa Amar Gjikolli, doli fitimtar në kategorinë e mësimit përmendsh të dhjetë xhuzave, teksa Enfal Dërmaku zuri vendin e dytë dhe Ahmed Maloku të tretin.
Sa i përket kategorisë së mësimit të dy xhuzave, nga vajzat, vendin e parë e zuri Arjeta Avdulli, ndërsa të dytin dhe të tretin, Merjemi Qazimi dhe Aksa Shaqiri.
Semra Bashani ishte e para në kategorinë e mësimit përmendsh të pesë xhuzave, ndërsa Daria Smajli dhe Erva Dërguti, zunë vendin e dytë, respektivisht të tretin.
Në kategorinë e mësimit të dhjetë xhuzave, e para doli Ediona Murati, vendin e dytë e fitoi Suhejla Franca, ndërsa vendin e tretë Hana Maloku.
E veçanta e këtyre garave ishte pjesëmarrja e 5-vjeçarit nga Prishtina, Shuajb Rrahmani, i cili garoi në kategorinë e mësimit përmendsh të dy xhuzave.
Gjithë pjesëmarrësit në fund të garës u pajisën me certifikatë pjesëmarrjeje, duke ua rikujtuar edhe njëherë se në garën për mësimin përmendsh të Kuranit, të gjithë pjesëmarrësit, në një formë apo tjetër, janë fitimtarë.