Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim rektorin e Universitetit “Nexhmedin Erbakan” të Konjës, prof. dr. Cem Zorlu.

Kryetari i Këshillit të Bashkësisë Islame të Gjakovës, Dr. Valon Myrta mori pjesë në panelin shkencorë “Israja dhe Miraxhi” të organizuar nga Myftinia e Shkupit në koordnim me Rijasetin e Bashkësisë Fetare Islame dhe nën patronazhin e Reisul Ulema h. hfz. Shaqir ef. Fetahu.

Në çdo xhami të vendit, janë organizuar ligjërata dhe aktivitete të shumta për nder të natës së Israsë dhe Miraxhit.

Drejtori i Drejtorisë së Diasporës në Kryesinë e Bashkësisë Islame, Ekrem ef. Simnica, i shoqëruar nga imami i xhamisë Mati 1, Fadil ef. Musliu, morën pjesë në manifestimin qendror me rastin e përurimit të xhamisë shqiptare “Abdush Qizmolli e V” në Zulpich të Gjermanisë.

Kryetari i Bashkësisë Islame të Kosovës, Myftiu Naim ef. Tërnava, ka pritur sot në takim presidentin e Këshillit Botëror të Komuniteteve Myslimane, dr. Ali Rashid al Nuaimi.

Këshilli i Bashkësisë Islame të Gjakovës mbajti sot mbledhjen me imamët e komunës së Gjakovës, ku si temë ishte parapërgatitja për muajin e madhëruar të Ramazanit.

Në kuadër të takimeve me personalitetet që po marrin pjesë në Konferencën dhe Panairin për Shërbimet e Haxhit dhe Umres, e cila filloi punimet sot në Xhide të Arabisë Saudite, Myftiu i Kosovës, Naim ef. Tërnava, sot takoi zëvendësministrin për Çështje të Umres së Arabisë Saudite, dr. Abdulaziz Vezan.

Gjatë këtij takimi u diskutua për thellimin e bashkëpunimit ndërmjet dy vendeve, me qëllim të ofrimit të shërbimeve më të mira për besimtarët kosovarë, të cilët shkojnë për ta kryer umren.

Myftiu Tërnava falënderoi autoritetet e Arabisë Saudite, në krye me Kujdestarin e dy vendeve të shenjta, mbretin Selman bin Abdulaziz dhe princin e kurorës, Muhamed bin Selman për shërbimet dhe lehtësitë e ofruara për vizitorët e dy vendeve të shenjta.

Nga sot është hapur marketi humanitar në Malishevë nga “Bereqeti”, ku familjet me kushte të rënda do t’i përzgjedhin produktet ushqimore dhe do t’i marrin ato falas.

Në Xhide të Arabisë Saudite ka filluar punimet Konferenca dhe Panairi për Shërbimet e Haxhit dhe Umres. Në këtë Konferencë, me ftesë të ministrit të Haxhit dhe Umres, dr. Tevfik Rabiah, po merr pjesë edhe delegacioni i Bashkësisë Islame të Kosovës, i kryesuar nga Myftiu Naim ef. Tërnava.

Me ftesë të ministrit të Ministrisë së Haxhit dhe Umres së Arabisë Saudite, dr. Tevfik Rabiah, kryetari i Bashkësisë Islame të Kosovës, Myftiu Naim ef. Tërnava, i shoqëruar nga bashkëpunëtorët e tij, po qëndron për vizitë në Xhide të Arabisë Saudite.