"Mukabele" është një term që lidhet me historinë e Kur'anit. Xhibrili (a.s) vinte çdo vit në muajin e Ramazanit dhe lexonin Kur'an me Pejgamberin (a.s), atë e bënin me rradhë mes njëri-tjetrit.
Për ta ruajtur Kur'anin ashtu siç është shpallur nga Allahu, për të përcaktuar renditjen e saktë të ajeteve dhe sureve dhe për ta kontrolluar këtë, Xhibrili (a.s.) vinte te Pejgamberi (a.s.). Pejgamberi (a.s) i'a lexonte Xhibrilit ajetet e Kur'anit. Pastaj Xhibrili (a.s) lexonte të njëjtat ajete për të bërë krahasimin, që quhet ndryshe edhe "mukabele".
Meqenëse Pejgamberit a.s, Kur'ani iu shpall ajet pas ajeti, vendi i secilit ajet dhe ku do të shkruhej në cilën sure do të vendosej i tregohej nga Xhibrili (a.s).  I Dërguari i Allahut i urdhëroi shkruesit e tij që ta diktojnë atë në këtë mënyrë, dhe hafizët e mësuan përmendësh në përputhje me atë radhë që shrkuhej.  Ndërsa Kur'ani mësohet përmendësh dhe shkruhet me një kujdes kaq të veçantë;  Xhibrili (a.s) vinte te Pejgamberi (a.s) çdo vit në Ramazan, dhe vargjet që ishin shpallur deri në atë moment lexoheshin dhe do të prezantoheshin përsëri (Sahihi Buhari).
Qëllimi i diskutimit të Kuranit nga Xhibrili për Pejgamberin a.s çdo vit ishte të krahasonte Kur'anin e shpallur Pejgamberit a.s nga Allahu me të tijin. Ai e bënte këtë për të mbajtur ajetet që ishin të qëndrueshëm e për të hequr ato ajete që Allahu i kishte hequr nga Kur'ani.  Për këtë qëllim, Pejgamberi a.s ia lexoi Kur'anin Xhibrilit a.s dy herë në vitin e fundit të jetës së tij. Kështu, Xhibrili a.s bashkë me të e bënë Kur'anin dy herë mukabele vitin e fundit.
"Mukabele" është një "garanci e mbrojtjes" e tretë dhe e rëndësishme që përsëritet çdo vit, me përjashtim të faktit se Kur'ani shkruhet dhe mësohet përmendësh nga hafizët. Kjo nuk është gjë tjetër veçse një mrekulli që ndodhi në kohën e artë të Pejgamberit a.s dhe vazhdon edhe sot, e cila theksohet në ajetin: "Ne e zbritëm dhikrin (Kur'anin) dhe sigurisht që ne jemi mbrojtës i tij" (el-Hixhr, 15/9 ).
Fakti që Kur'ani u shpall në Ramazan (el-Bekare, 2/185) dhe lajmi i mirë se leximi i Kur'anit do të shpërblehet shumëfish, veçanërisht në Ramazan, bëri që myslimanët të jenë më të preokupuar me Kur'anin në këtë muaj.  Për këtë arsye, në Ramazan, i cili është “muaji i Kur'anit”, lexohen “mukabele” dhe bëhen hatme nëpër xhami dhe shtëpi.
Mukabeleja e cila e ka origjinën, tek Xhibrili (a.s) që është leximi me Pejgamberin a.s për përcaktimin dhe mbrojtjen e Kur'anit në mënyrë të drejtë, ka mbijetuar deri në ditët e sotme si një traditë e rrënjosur thellë në mesin e myslimanëve. Kjo traditë është ende e gjallë sot. Pavarësisht nëse disa nga xhemati dinë të lexojnë Kur'anin në arabisht apo jo, myslimanët gjejnë paqe dhe shpresë duke e dëgjuar atë;  Hafizët që lexojnë, veçanërisht studentët e rinj të të Kur'anit që përpiqen të mësojnë përmendësh Kur'anin (hifz) po ashtu bëjnë ushtrime duke lexuar në prani të xhematit.  Leximi dhe dëgjimi i Kur'anit me mukabele ka shumë dobi si nxitja e të tjerëve për të lexuar Kur'anin, krijimi i një qetësie shpirtërore tek ata që e lexojnë dhe e dëgjojnë atë dhe fitojnë shpërblimin nga Allahu i madhëruar. Megjithatë, nuk lejohet leximi i mukabeles kundrejt një pagese nga një apo më shumë persona.
Në kohën e Osmanëve lexohej një mukabele, sidomos pas namazit të ikindisë.
Kur'ani u dërgua për të mësuar, kuptuar dhe zbatuar dispozitat e tij. Në këtë aspekt, “mukabeleja” është një mundësi e mirë për të informuar dëgjuesit duke bërë një shpjegim të shkurtër të ajeteve të lexuara. Nëse kjo zbatohet nga njerëz kompetentë në kuadër të një programi të caktuar, mund të japë një kontribut të rëndësishëm në ngritjen e nivelit të dijes dhe kulturës islame.

Përgatiti në shqip Ardit Hoxhllaku